Лионель Месси фаолиятига энг катта таъсир ўтказган футболчи кимлигини айтди
ФОТО: Getty Images
Саккиз карра “Олтин тўп” соҳиби, “Интер Майами”нинг аргентиналик ҳужумчиси Лионель Месси фаолиятига энг катта таъсир кўрсатган футболчи номини айтди.
“Роналдиньо фаолиятимга катта таъсир ўтказди. Чунки у мени тўғри қабул қилди ва менга ёрдам берди. Бу фаолиятимнинг илк дақиқалари учун жуда фойдали бўлган.
Шунингдек, Андрес Иньеста ва Хавини, шунингдек, Майамида мен билан бирга ўйнаётган уч кишини - Бускетс, Алба ва Суаресни ҳам санаган бўлардим. Уларнинг барчаси менинг дўстларим”, - дейди Месси.
Эслатиб ўтамиз, Лионель Месси 2023-йилдан буён “Интер Майами” сафида ўйнаб келмоқда. Шунингдек, у фаолияти давомида “Барселона” ва ПСЖ клублари шарафини ҳам ҳимоя қилган.
Насрулло Каримов
Журналист
