Лионель Месси — Аргентина ва Австрия ўйинининг энг яхши футболчиси
Аргентиналик бу учрашувда дублга эришди.
ФОТО: Getty images
Аргентина терма жамоаси ҳужумчиси Лионель Месси Австрияга қарши ўйинда (2:0) энг яхши футболчи деб топилди. Аргентиналик бу учрашувда дублга эришди.
2-турдан сўнг Аргентина терма жамоаси олти очко жамғариб, J гуруҳи турнир жадвалида пешқадамлик қилмоқда. Австрия терма жамоаси уч очко ишлади ва иккинчи поғонада жойлашган.
3-турда Аргентина терма жамоаси Иордания (28 июнь) билан, Австрия эса Жазоир (28 июнь) билан учрашади.
Футбол бўйича жаҳон чемпионати — 2026 11 июндан 19 июлгача АҚШ, Канада ва Мексикада бўлиб ўтмоқда. Аргентина терма жамоаси амалдаги жаҳон чемпиони ҳисобланади.
