\"Лилль\" Жирунинг трансферини эълон қилди
Фото: Getty Images
Оливье Жиру Францияга қайтди.
Шу тариқа, 38 ёшли ҳужумчи "Лос-Анжелес"ни эркин агент сифатида тарк этди ва "Лилль" билан шартнома имзолади. Шартнома бир йилга мўлжалланган. Кейинчалик томонлар келишув муддатини яна узайтириши мумкин.
“Яна Франция чемпионатига қайтганимдан хурсандман. 13 йил олдин мамлакатни тарк этгандим. Қачондир яна қайтишимни билардим. Шу кун келди”, - дея фикр билдирди Жиру.
Франция терма жамоаси тарихидаги энг яхши тўпурар тўққизинчи рақам остида ҳаракат қилади.
Жиру фаолияти давомида "Монпелье" учун Лига 1да ўйнаган. 2012 йилда у Франция чемпиони мақомида "Арсенал"га ўтган.
Баҳром Бобонов
Редактор