Левандовскининг қачон сафга қайтиши маълум бўлди
Шунингдек, Жоан Гарсиянинг аҳволи ҳақида ҳам маълумот берилди.
ФОТО: Getty Images
«Барселона» ҳужумчиси Роберт Левандовски жароҳатидан соғайиб, умумий гуруҳ машғулотларига қайтди. Бу ҳақда Mundo Deportivo журнали журналисти Ферран Мартинес хабар бермоқда.
Манбага кўра, поляк форварди 2 ноябр, якшанба куни бўлиб ўтадиган Ла Лиганинг 11-турида «Эльче»га қарши ўйинда майдонга тушиши мумкин.
Қайд этилишича, Левандовски яқинда асосий жамоа билан биргаликда машғулотнинг бир қисмини ўтказган. Шунингдек, клуб дарвозабони Жоан Гарсия ҳам тикланиш жараёнини ўтказмоқда ва у ҳам яқин ўйинларда сафга қайтиши мумкин.
Гарсиянинг ҳолати 29 октябр, чоршанба куни навбатдаги машғулотлар олдидан баҳоланади. Клуб мутасаддилари дарвозабоннинг соғлиғини хавф остига қўйиш ниятида эмасликларини таъкидлашган.
Насрулло Каримов
Журналист
