Levandovskining qachon safga qaytishi maʼlum boʻldi
Shuningdek, Joan Garsiyaning ahvoli haqida ham maʼlumot berildi.
FOTO: Getty Images
«Barselona» hujumchisi Robert Levandovski jarohatidan sogʻayib umumiy guruh mashgʻulotlariga qaytdi. Bu haqda Mundo Deportivo jurnalisti Ferran Martines xabar bermoqda.
Manbaga koʻra, polshalik forvard 2 noyabr, yakshanba kuni boʻlib oʻtadigan La Liganing 11-turida «Elche»ga qarshi oʻyinda maydonga tushishi mumkin.
Qayd etilishicha, Levandovski yaqinda asosiy jamoa bilan birgalikda mashgʻulotning bir qismini oʻtkazgan. Shuningdek, klub darvozaboni Joan Garsiya ham tiklanish jarayonini oʻtkazmoqda va u ham yaqin oʻyinlarda safga qaytishi mumkin.
Garsiyaning holati 29 oktyabr, chorshanba kuni navbatdagi mashgʻulotlar oldidan baholanadi. Klub mutasaddilari darvozabonning sogʻligʻini xavf ostiga qoʻyish niyatida emasliklarini taʼkidlashgan.
Nasrullo Karimov
Jurnalist
