Левандовски январда Туркия чемпионатига кўчиб ўтиши мумкин
Левандовски 2022 йилдан бери “Барселона” шарафини ҳимоя қилади.
ФОТО: Getty images
“Барселона” клуби ҳужумчиси Роберт Левандовски фаолиятини Туркия Суперлигасида давом эттириши мумкин. Fichajes нашри хабарига кўра, футболчига “Фенербаҳче” жиддий қизиқиш билдирмоқда.
Истанбул клуби январь ойида полшалик ҳужумчини ўз сафига қўшиб олишга ҳаракат қилиб кўради ва унга узоқ муддатли шартнома таклиф қилишни мақсад қилган.
Маълумотларга кўра, Левандовски “Барселона”дан кетмоқчи эмас. Футболчи клубда қолишни истамоқда.
Жорий мавсум Роберт “кўканорранглилар” сафида жами 14 та ўйинда майдонга тушиб, 8 та гол уришни уддалади. Transfermarkt портали футболчининг қийматини 10 миллион еврога баҳоламоқда.
Розикжон Султонмуродов
Журналист
