Лапорта «Барселона» стадионини Месси номи билан аташни номақбул деб топди
«Барселона» президенти Жоан Лапорта жамоанинг уй стадиони «Камп Ноу»ни собиқ ҳужумчи Лионель Месси шарафига номлаш ғоясига муносабат билдирди.
«Месси учун ҳайкал? Биз ҳали бу масалани ҳал қилганимиз йўқ. Бизнинг бошқа устуворликларимиз бор. «Камп Ноу» тўлиқ қуриб битгач, унга ҳурматимизни қандай ифода этишимизни ўйлаймиз.
Биз директорлар кенгашининг йиғилишида стадионни унинг номи билан аташ имкониятини муҳокама қилганмиз. Аммо бу ўринли эмас, деб топдик. Стадионнинг номи «Камп Ноу» бўлади — бу «Барселона» футбол клуби стадиони», — дея Лапорта сўзларини келтиради Mundo Deportivo.
Месси «Барселона» тарихида энг кўп гол урган футболчи бўлиб, 778 та ўйинда 672 та гол муаллифи ҳисобланади. Аргентик футболчи «Барселона» сафида етти марта «Олтин тўп»ни қўлга киритган.
