Лапорта: «Биз «Челси»ни мағлуб этишимиз керак, лекин бу осон бўлмайди»
«Барселона» президенти лондонликларга қарши ўйин ҳақида фикр билдирди.
ФОТО: Getty Images
«Барселона» президенти Жоан Лапорта Европа Чемпионлар Лигаси доирасидан ўрин олган Лондоннинг «Челси» клубига қарши ўйин ҳақида фикр билдирди.
Лапорта қийинчиликларга қарамай ғалаба қозониш зарурлигини айтди. Чемпионлар Лигаси умумий босқичининг 5-тур учрашуви 25 ноябрь куни «Челси»нинг уй стадиони — «Стэмфорд Бридж»да бўлиб ўтади.
«Лондонда биз албатта ғалаба қозонишимиз керак, аммо бу осон бўлмайди. Бизда ажойиб жамоа бор. Бу ўйинга яна футболчилар қайтадими — билмайман. Рафинья қайтди ва майдонга тушиши билан деярли гол ура ёзди.
«Челси» жуда мувозанатли жамоа. Агар биз ўз футболимизни кўрсатсак, имкониятларимиз кўп бўлади», — дея Лапортанинг сўзларини келтиради Marca.
Насрулло Каримов
Журналист
