Laporta: «Biz «Chelsi»ni magʻlub etishimiz kerak, lekin bu oson boʻlmaydi»

«Barselona» prezidenti Joan Laporta Yevropa Chempionlar Ligasi doirasidan oʻrin olgan Londonning «Chelsi» klubiga qarshi oʻyin haqida fikr bildirdi.

Laporta qiyinchiliklarga qaramay g‘alaba qozonish zarurligini aytdi. Chempionlar Ligasi umumiy bosqichining 5-tur uchrashuvi 25 noyabr kuni «Chelsi»ning uy stadioni — «Stamford Bridj»da bo‘lib o‘tadi.

«Londonda biz albatta g‘alaba qozonishimiz kerak, ammo bu oson bo‘lmaydi. Bizda ajoyib jamoa bor. Bu o‘yinga yana futbolchilar qaytadimi — bilmayman. Rafinya qaytdi va maydonga tushishi bilan deyarli gol ura yozdi.

«Chelsi» juda muvozanatli jamoa. Agar biz o‘z futbolimizni ko‘rsatsak, imkoniyatlarimiz ko‘p bo‘ladi», — deya Laportaning so‘zlarini keltiradi Marca.

Nasrullo Karimov

Jurnalist