Ламин Ямал дунёдаги энг яхши футболчиларни атади
Футбол
Бакрадзе Иман
Редактор
Расм: gettyimages.com
Каталониянинг «Барселона» клуби яримҳимоячиси Ламин Ямал дунёнинг энг кучли футболчилари ҳақида ўз фикрини билдирди. 17 ёшли вингернинг таъкидлашича, у «ПСЖ» ҳужумчиси Усман Дембеле ва «Арсенал» футболчиси Букайо Саканинг ўйинларини юқори баҳолайди.
«Агар “Барселона” футболчиларини ҳисобга олмасак, менимча, ҳозир Усман Дембеле ва Букайо Сака жуда яхши ўйнаяпти», — деди Ямал Goal нашрига берган интервюсида.
Жорий мавсумда Ямал 51 та ўйинда майдонга тушиб, 15 та гол ва 24 та голли узатма билан ажралди. Transfermarkt портали маълумотига кўра, футболчининг бозор баҳоси 180 миллион еврога тенг.
Эслатиб ўтамиз, аввалроқ Ямал ўйнашни орзу қилаётган икки стадион ҳақида ёзган эдик.