Ла Лига. «Вильярреал» «Атлетико»ни йирик ҳисобда енгиб, мавсумни 3-ўринда якунлади
Испания чемпионатининг 38-турида «Вильярреал» ҳамда Мадриднинг «Атлетико» жамоалари ўзаро беллашади. Беллашувда мезбонлар 5:1 ҳисобида ғалаба қозонди.
Дастлаб «Вильярреал» ярим ҳимоячиси Дани Парехо 30-дақиқада пенальтидан ҳисобни очди. Орадан тўрт дақиқа ўтиб, ҳужумчи Айосе Перес устунликни икки бараварга оширди. 40-дақиқада эса форвард Жорж Микаутадзе ҳисобни йирик кўринишга олиб келди.
43-дақиқада «Атлетико» ҳимоячиси Марк Пубиль ҳисобни қисқартирди. Биринчи бўлимнинг сўнгги дақиқасида, 45-дақиқада ярим ҳимоячи Пап Гейе «Вильярреал»нинг тўртинчи голини киритди. 54-дақиқада Айосе Перес дубль расмийлаштириб, ўйиннинг якуний ҳисобини ўрнатди — 5:1.
Шу тариқа, «Атлетико» 69 очко жамғариб, турнир жадвалида тўртинчи ўринни эгаллади. «Вильярреал» эса 72 очко билан учинчи поғонада мавсумни якунлади. Ҳар икки жамоа ҳам Чемпионлар лигасига йўлланма олди.
Ла Лига. 38-тур
Вилярреал — Атлетико 5:1
Голлар: Парехо (30, пеналти), Перес (34, 54), Микаутадзе (40), Гуйе (45) — Пубил (43).
