La Liga ҳакамлар қўмитаси 17—18 тур якунларига кўра 10 хатони аниқлади
Испания La Ligaси ҳакамлар қўмитаси жорий мавсумнинг 17–18-турлари якунларига кўра ҳакамлар ва VAR томонидан йўл қўйилган 10 та хатони аниқлади. Бу ҳақда Marca хабар бермоқда.
Энг кўп хато «Атлетико Мадрид» жамоаси фойдасига қайд этилган — 2 та ҳолат.
«Барселона» фойдасига 1 та хато тан олинган. «Мальорка»га қарши ўйинда (3:0) каталанлар иккинчи голни ҳимоячи тўп билан бошидан зарба олиб, ерда қолиб кетган вазиятдан кейин урган. Ушбу ҳолатда ўйин тўхтатилиши керак эди.
«Реал Мадрид» иштирокидаги учрашувда ҳам 1 та хато аниқланган. «Реал Сосьедад»га қарши баҳсда (2:1) ҳакам Дин Ҳейсенга қизил эмас, сариқ карточка кўрсатиши лозим эди.
Тўғри қарорлар масаласида эса, «Барселона» ўйинларида 2 та тўғри қарор қайд этилган:
— биттаси «блаугана» фойдасига — «Бетис» ҳимоячиси Марк Бартранинг қўл билан ўйнагани учун белгиланган пенальти;
— иккинчиси «Барселона»га қарши — «Осасуна» билан ўйинда Ферран Торрес голининг бекор қилиниши.
