Куртуа «Реал»ни тарк этиши мумкин

“Реал” жамоаси белгиялик дарвозабон Тибо Куртуа билан шартномани узайтирмасликни режалаштирмоқда. Бу ҳақда El Nacional нашри хабар берди.

Футболчининг “қироллик клуби” билан шартномаси 2027 йил ёзигача амал қилади.

Қайд этилишича, Тибонинг битим муддати тугагач, у профессионал фаолиятини якунлаши ёки Саудия Арабистони чемпионати клубларининг бири билан шартнома имзолаши мумкин.

Шунингдек, у футболчилик фаолиятини бошлаган “Генк” клубига қайтиш вариантини ҳам кўриб чиқмоқда.

Жорий мавсумда Тибо Куртуа “Реал” сафида жами 10 та ўйинда майдонга тушиб, 4 марта дарвозаси дахлсизлигини сақлаб қолган. Transfermarkt портали унинг қийматини 20 миллион евро деб баҳоламоқда.

Розикжон Султонмуродов

Журналист