Куртуа Мбаппени Роналду билан таққослади
Бельгиялик посбон Криштиану билан бир жамоада тўп сурмаган.
ФОТО: Getty Images
«Реал» дарвозабони Тибо Куртуа жамоадоши Килиан Мбаппени клуб афсонаси Криштиану Роналду билан солиштирди.
«Мен Криштиану билан бирга ўйнамаганман, чунки мен «Реал»га келган ёзда у «Ювентус»га кетган эди.
Менимча, улар икки хил футболчи, аммо Криштианунинг ғалаба менталитети Килианникидан бироз кучлироқ. Бироқ бу йил Килиан бу менталитетни анча яхши кўрсата бошлади.
У ўйинини яхшилади ва жамоани ҳақиқатдан ҳам ортидан эргаштирмоқда. Унинг лидер экани кўриниб турибди ва ҳар бир ўйин билан бу янада яққол бўлиб боради», — деди Куртуа COPE нашрига берган интервьюсида.
Маълумот учун, жорий мавсумда Мбаппе «Реал» сафида 16 та ўйинда майдонга тушиб, 18 та гол урди ва 2 та голли узатмани амалга оширди.
Насрулло Каримов
Журналист
