Кунденинг қанча муддатга сафдан чиққан маълум
Фото: Getty Images
"Барселона" қанот ҳимоячиси Жюль Кунде "Интер"га қарши Чемпионлар лигаси ярим финал дастлабки ўйинида (3:3) жароҳат олди.
Бугун француз тиббий кўрикдан ўтди. Унга кўра текширувлар унинг чап сонининг икки бошли мушаги дистал қисми шикастланганини кўрсатди. Натижада футболчи камида уч ҳафта давомида “Барса”га ёрдам бера олмайди.
Футболчи “Интер”га қарши жавоб ўйини, “Реал”, “Вальядолид”, “Эспаньол” ва “Вильярреал”га қарши ўйинларни ҳам ўтказиб юборади. Футболчи “Атлетико”га қарши сўнгги тур ўйинига қадар тикланиши мумкинлиги айтилмоқда.
