«Кубокни Бразилияга қайтаришимиз керак» — Неймар ЖЧ-2026 қайдномасига киритилганига муносабат билдирди
«Сантос» клуби ҳужумчиси Неймар шу йилнинг ёзида АҚШ, Канада ва Мексика майдонларида бўлиб ўтадиган Жаҳон чемпионати учун Бразилия терма жамоаси таркибига киритилганидан сўнг ўз фикрларини билдириб ўтди.
«Менинг сўзларимни эслаб қолинг, ушбу Жаҳон чемпионатида биз бир тана, бир жон бўламиз. Бор кучимизни майдонга ташлаймиз. Биз кубокни Бразилияга қайтаришимиз шарт», — дея Неймaрнинг сўзларини келтирмоқда таниқли инсайдер Фабрисио Романо.
Эслатиб ўтамиз, Карло Анчелотти бошчилигидаги Бразилия терма жамоаси мусобақанинг «C» гуруҳидан жой олган бўлиб, плей-офф йўлланмаси учун Марокаш, Шотландия ва Гаити терма жамоаларига қарши баҳс олиб боради.
Амалдаги жаҳон чемпиони Аргентина терма жамоаси ҳисобланади. ЖЧ-2022 финалида ушбу жамоа Франция билан тўқнаш келган, асосий ва қўшимча вақтлар 3:3 ҳисобида якунлангач, пенальтилар сериясида аргентиналикларнинг қўли баланд келган эди (4:2).
