Кроос Винисиусни танқид қилди
Мадриднинг «Реал» клуби собиқ ярим ҳимоячиси Тони Кроос жамоанинг ҳозирги ҳужумчиси Винисиус Жуниор ҳақида танқидий фикр билдирди.
«Унга кўп бор айтганман — етарли бўлди. Барчамиз унинг айрим хатти-ҳаракатлари жамоага зарар келтираётганини ҳис қилардик. Гўё ҳамма нарса айнан унинг сабабли бизнинг зараримизга ишлаётгандек туюларди. Майдонда уни тинчлантиришга ҳаракат қилардим, айниқса, диққатини йўқотмаслиги учун — чунки бу баъзан содир бўларди.
Унга: “Винисиус, сен шунчалик кучлисан-ки, буларнинг сенга кераги йўқ”, дердим. Мени ҳам алмаштиришлари менга ёқмаган, лекин ростини айтсам, ҳеч қачон бундан кейин дарҳол кийим алмаштириш хонасига қайтмаганман», — дея Крооснинг сўзларини келтиради Footmercato.
Маълумот учун, жорий мавсумда Винисиус клуб сафида барча мусобақалар доирасида 16 та ўйинда майдонга тушиб, 5 та гол ва 5 та голли узатмага муаллифлик қилган.
