Криштиану Роналдунинг ўғли Португалия терма жамоасидан чақиру олди
ФОТО: Getty Images
Саудиянинг “Ан-Наср” клуби ҳужумчиси Криштиану Роналдунинг ўғли Хорватиядаги халқаро турнирда иштирок этиш учун Португалия U-15 терма жамоасидан чақиру олди.
Кичик Роналду учун бу унинг фаолиятидаги илк чақиру эди.
Португалия ёшлар терма жамоаси ушбу турнир давомида Япония, Греция ва Англияга қарши баҳс олиб боради.
Эслатиб ўтамиз, Криштиану Роналду 2023 йилдан буён “Ан-Наср” сафида ўйнаб келмоқда. У шунингдек, “Ювентус”, “Манчестер Юнайтед”, “Реал Мадрид” ва “Спортинг” клублари шарафини ҳам ҳимоя қилган.
Насрулло Каримов
Журналист