Конте ва Инзаги дисквалификация қилинди
Футбол
Насрулло Каримов
Журналист
ФОТО: Getty Images
Антонио Конте ва Симеоне Инзаги А Сериянинг 30-турида қилган хатти-ҳаракатлари учун бир ўйинга дисквалификация қилинди.
Инзаги “Интер”нинг “Удинезе”га қарши ўйинида майдондан четлатилгани учун 5000 евро миқдорида жаримага ҳам тортилди. У учрашув расмийларига нисбатан ҳақоратомуз сўзлар ишлатган.
Конте эса “Наполи”нинг “Милан”га қарши ўйинида майдондаги бешинчи сариқ карточкасини олиб, бир ўйинга четлаштирилди.
Шунингдек, “Ювентус” ва “Милан” ҳам 10 минг евро миқдорида жаримага тортилди.
Туринликлар мухлислари ҳакамларнинг ҳаракатларига лазер нури билан қаршилик қилгани учун, “россонерилар” эса ўйин бошланишини ва иккинчи бўлимни тахминан уч дақиқага кечиктиргани учун жазоланди.
