Конатенинг «Реал»даги маоши маълум
Франсуз футболчиси 2030 йилгача мўлжалланган шартномани имзолайди.
ФОТО: Getty images
Мадриднинг “Реал” клуби марказий ҳимоячи Ибраима Конатега шартнома имзолаганлиги учун 20 миллион евро бонус тўлайди. Бу ҳақда Sport.es хабар бермоқда.
Манбага кўра, 27 ёшли футболчининг “Қироллик клуби”даги маоши тахминан 12 миллион евродан иборат бўлади. Конатенинг “Ливерпуль”даги сўнгги мавсумидаги маоши ҳам шу атрофда бўлган. Франсуз футболчиси 2030 йилгача мўлжалланган шартномани имзолайди.
“Ливерпуль” 31-май куни Конате билан ҳамкорлик тугатилганини эълон қилди. Ҳимоячи 2021 йил ёзидан буён мерсисайдликлар сафида тўп суриб келаётган эди. Бу давр мобайнида франсуз футболчиси барча мусобақаларда 183 та ўйинда иштирок этиб, етти та гол ва тўртта голли узатмага муаллифлик қилган.
Розикжон Султонмуродов
Журналист
