Конате «Реал» билан шартнома имзолади – манба
27 ёшли футболчи билан келишув 2030 йилнинг ёзига қадар мўлжалланган.
ФОТО: Getty images
“Ливерпул” ва Франция терма жамоаси ҳимоячиси Ибраима Конате Мадриднинг “Реал” клуби билан шартнома имзолади.
RMC Sport нашрининг хабар беришича, 27 ёшли футболчи билан келишув 2030 йилнинг ёзига қадар мўлжалланган.
Конате 7 июн, якшанба куни ўз лавозимига қайта сайланган клуб президенти Флорентино Переснинг сайловолди кампанияси давомида ваъда қилинган трансферлардан бири эди.
Ҳимоячи шартномаси муддати (2026 йил 30 июн) тугаганидан сўнг “Ливерпул”ни эркин агент мақомида тарк этади.
Ҳозирда Конате Франсия терма жамоаси ихтиёрида бўлиб, у билан бирга АҚШ, Канада ва Мексикада бўлиб ўтадиган 2026 йилги Жаҳон чемпионатига тайёргарликни давом эттирмоқда.
