Konate «Real» bilan shartnoma imzoladi – manba
27 yoshli futbolchi bilan kelishuv 2030 yilning yozigacha mo'ljallangan.
ФОТО: Getty images
“Liverpul” va Fransiya terma jamoasi himoyachisi Ibraima Konate Madridning “Real” klubi bilan shartnoma imzoladi.
RMC Sport nashrining xabar berishicha, 27 yoshli futbolchi bilan kelishuv 2030 yilning yozigacha mo'ljallangan.
Konate 7 iyun, yakshanba kuni o‘z lavozimiga qayta saylangan klub prezidenti Florentino Peresning saylovoldi kampaniyasi davomida va’da qilingan transferlardan biri edi.
Himoyachi shartnomasi muddati (2026 yil 30 iyun) tugaganidan so‘ng “Liverpul”ni erkin agent maqomida tark etadi.
Hozirda Konate Fransiya terma jamoasi ixtiyorida bo‘lib, u bilan birga AQSH, Kanada va Meksikada bo‘lib o‘tadigan 2026 yilgi Jahon chempionatiga tayyorgarlikni davom ettirmoqda.
