Кепа қишда А Серия клубига йўл олиши мумкин
ФОТО: Getty images
"Арсенал" клуби дарвозабони Кепа Аррисабалага қишки трансфер ойнасида жамоани тарк этиши мумкин. Бу ҳақда TEAMtalk хабар берди.
Манбага кўра, ўтган ёзда "Арсенал" билан шартнома имзолаган 30 ёшли испаниялик посбон январь ойидаёқ Италия А Сериясига йўл олиши мумкин.
Кепанинг хизматларига шахсан "Комо" бош мураббийи Сеск Фабрегас қизиқиш билдирмоқда.
Испаниялик кипер жорий мавсум Англия Лига кубогида фақатгина битта ўйинда иштирок этди.
Дарвозабоннинг "канонирлар" билан шартномаси 2028 йилгача мўлжалланган. Transfermarkt экспертлари футболчининг нархини 10 миллион еврога баҳоламоқда.
Розикжон Султонмуродов
Журналист
