Kepa qishda A Seriya klubiga yo‘l olishi mumkin
ФОТО: Getty images
"Arsenal" klubi darvozaboni Kepa Arrizabalaga qishki transfer oynasida jamoani tark etishi mumkin. Bu haqda TEAMtalk xabar berdi.
Manbaga ko‘ra, o‘tgan yozda "Arsenal" bilan shartnoma imzolagan 30 yoshli ispaniyalik posbon yanvar oyidayoq Italiya A Seriyasiga yo‘l olishi mumkin.
Kepaning xizmatlariga shaxsan "Como" bosh murabbiyi Cesc Fabregas qiziqish bildirmoqda.
Ispaniyalik kiper joriy mavsum Angliya Liga kubogida faqatgina bitta o‘yinda ishtirok etdi.
Darvozabonning "kanonirlar" bilan shartnomasi 2028 yilgacha mo‘ljallangan. Transfermarkt ekspertlari futbolchining narxini 10 million yevroga baholamoqda.
Roziqjon Sultonmurodov
Jurnalist
