Кейн Бундеслиганинг энг яхши футболчиси
Фото: Getty Images
“Бавария” ҳужумчиси Харри Кейн 2024-25 йилги Бундеслиганинг энг яхши футболчиси деб топилди.
Англия терма жамоасининг 31 ёшли ҳужумчиси "Бавария" таркибида чемпионликни қўлга киритди - бу унинг фаолиятидаги биринчи соврин бўлди. Харри, шунингдек, кетма-кет иккинчи йил Бундеслиганинг энг самарали тўпурари бўлди - у 31 ўйинда 26 та гол уриб, 8 та голли узатма берди. У "гол+пас" тизими бўйича ҳам етакчи ҳисобланади.
Кейн бу мавсумда "Бавария" сафида асосий таркибда майдонга тушганида, мюнхенликлар 22 марта ғалаба қозониб, 6 марта дуранг ўйнаган ва мағлубиятга учрамаган.
Розикжон Султонмуродов
Журналист