Keyn Bundesliganing eng yaxshi futbolchisi
Photo: Getty Images
“Bavariya” hujumchisi Harri Keyn 2024-25 yilgi Bundesliganing eng yaxshi futbolchisi deb topildi.
Angliya terma jamoasining 31 yoshli hujumchisi "Bavariya" tarkibida chempionlikni qo‘lga kiritdi — bu uning faoliyatidagi birinchi sovrin bo‘ldi. Harri, shuningdek, ketma-ket ikkinchi yil Bundesliganing eng samarali to‘purari bo‘ldi — u 31 o‘yinda 26 ta gol urib, 8 ta golli uzatma berdi. U "gol+pas" tizimi bo‘yicha ham yetakchi hisoblanadi.
Keyn bu mavsumda "Bavariya" safida asosiy tarkibda maydonga tushganida, myunxenliklar 22 marta g‘alaba qozonib, 6 marta durang o‘ynagan va mag‘lubiyatga uchramagan.
Roziqjon Sultonmurodov
Jurnalist