Кейн — Бундеслигада сентябрнинг энг яхши футболчиси
Кейн 3 ўйинда 7та гол урди.
ФОТО: Getty images
Харри Кейн Бундеслигада сентябр ойининг энг яхши футболчиси деб топилди. Бу ҳақда лига расмий сайти хабар тарқатмоқда.
“Бавария” ҳужумчиси ўтган ойда Германия чемпионатида 3 ўйин ўтказиб, 7 та гол ва 1 та ассистни ўз ҳисобига ёздириб қўйганди.
Умуман олганда, 32 ёшли инглиз бу мавсумда Бундеслигада 6 та баҳсда 11 бор тўп киритди ва яққол тўпурар бўлиб турибди. Ундан кейинги ўринда жамоадоши Луис Диас бормоқда — 5 та гол.
Мюнхен клуби турнир жадвалида ҳам яққол пешқадам.
Ҳужумчи Англия терма жамоасининг Уэльсга қарши ўртоқлик баҳсини жароҳат сабаб ўтказиб юборганди.
Розикжон Султонмуродов
Журналист