Keyn — Bundesligada sentabrning eng yaxshi futbolchisi
Keyn 3 o‘yinda 7 ta gol urdi.
ФОТО: Getty images
Harri Keyn Bundesligada sentabr oyining eng yaxshi futbolchisi deb topildi. Bu haqda liga rasmiy sayti xabar tarqatmoqda.
Bavariya hujumchisi o‘tgan oyda Germaniya chempionatida 3 o‘yin o‘tkazib, 7 ta gol va 1 ta assistni o‘z hisobiga yozdirib qo‘ygandi.
Umuman olganda, 32 yoshli ingliz bu mavsumda Bundesligada 6 ta bahsda 11 bor to‘p kiritdi va yaqqol to‘purarlik peshqadami bo‘lib turibdi. Undan keyingi o‘rinda jamoadoshi Luis Dias bormoqda — 5 ta gol.
Myunxen klubi turnir jadvalida ham yaqqol peshqadam.
Hujumchi Angliya terma jamoasining Uelsga qarshi o‘rtoqlik bahsini jarohat sabab o‘tkazib yuborgandi.
Roziqjon Sultonmurodov
Jurnalist