Каземиро келажаги борасида бир қарорга келди
Фото: Getty Images
"Манчестер Юнайтед"нинг 33 ёшли ҳимоячи ярим ҳимоячиси Каземиро келажаги борасида бир қарорга келди.
Mirror хабарига кўра, бразилиялик футболчи фаолиятини "қизил иблислар"да давом эттиради.
Футболчининг қарорига, жумладан, май ойи охирида Бразилия терма жамоасига чақирув олгани таъсир қилган.
Каземиро ЖЧ-2026да Бразилия терма жамоаси сафида қатнашмоқчи. Ярим ҳимоячининг фикрича, Премьер-лигада ўйнаб, буни амалга ошириш имконияти кўпроқ. Июнь ойи бошида 33 ёшли футболчи Бразилия терма жамоаси сафида ЖЧ-2026 саралаши доирасида Эквадор (0:0) ва Парагвайга (1:0) қарши ўйинларда майдонга тушган.
Розикжон Султонмуродов
Журналист
