Карвахал узоқ муддатга сафдан чиқди
«Реал» сардори яқиндагина жароҳатидан тўлиқ тикланганди.
ФОТО: Getty Images
Мадриднинг «Реал» клуби сардори Дани Карвахал жароҳат олди. Бу ҳақда «қаймоқранглилар» матбуот хизмати хабар бермоқда.
Манбага кўра, футболчига ўтказилган тиббий текширувлар натижасида унинг ўнг тиззасидаги бўғимда шикастланиш аниқланган. Карвахалга артроскопия амалиёти ўтказилиши режалаштирилган.
Таъкидлаш жоиз, ҳимоячи яқиндагина болдир мушаги жароҳатидан тўлиқ тикланганди.
Маълумот учун, Карвахал жорий мавсум барча турнирларда 8 та ўйинда майдонга тушди.
Насрулло Каримов
Журналист
