Карло Анчелотти “Эль-Класико”дан сўнг Бразилия терма жамоасини бошқариши мумкин
ФОТО: Getty Images
Бразилия футбол конфедерацияси (CBF) Ла Лиганинг 35-туридан ўрин олган “Барселона”га қарши ўйиндан сўнг “Реал Мадрид” бош мураббийи Карло Анчелотти билан шартнома имзоламоқчи. Бу ҳақда AS нашри хабар бермоқда.
Манбага кўра, CBF италиялик мутахассис терма жамоа бошқарувига келишига ишонмоқда. Бироқ, Бразилия раҳбарияти Анчелоттининг “Реал Мадрид” Испания чемпионатида ғалаба қозониш имкониятига эга бўлса, янги шартнома имзоламаслик истагини ҳам ҳурмат қилади.
Маълумот учун, Ла Лиганинг ортда қолган 33-туридан сўнг “Реал” 72 очко жамғарган ҳолда иккинчи ўринда бормоқда. Биринчи ўринни эса 76 очко билан “Барселона” эгаллаб турибди.
Насрулло Каримов
Журналист
