Карло Анчелотти дунёнинг энг кўп маош олувчи терма жамоа мураббийига айланиши мумкин
ФОТО: Sky Sports
Бразилия футбол конфедерацияси (CBF) Мадриднинг “Реал” клуби бош мураббийи Карло Анчелоттига “Қироллик клуби”даги маошига тенг бўлган маош таклиф қилмоқда. Бу ҳақда Relevo нашри хабар берди.
Манбага кўра, италиялик мутахассис Бразилия терма жамоасини бошқаришга рози бўлса, дунёнинг энг кўп маош олувчи терма жамоа мураббийига айланади.
Қайд этилишича, CBF Анчелоттига ЖЧ-2026'гача амал қиладиган шартнома таклиф қилмоқда.
Таъкидланишича, келаси ҳафта музокаралар бўйича янада аниқроқ маълумотлар пайдо бўлиши мумкин.
Агар ҳаммаси ижобий якунланса, италиялик мутахассис мавсумни “Реал”да якунлайди, бироқ 15-июндан старт оладиган клублар ўртасидаги Жаҳон чемпионатида “қаймоқранглилар” мураббийи бўла олмайди.
Насрулло Каримов
Журналист
