Канселу трансфер ойнаси охиригача «Барселона» футболчисига айланиши кутилмоқда
Томонлар ўртасида музокаралар давом этмоқда.
ФОТО: Getty images
Португалиялик ҳимоячи Жоау Канселу ёзги трансферлар ойнаси ёпилгунга қадар «Барселона» сафига қўшилиши кутилмоқда. Бу трансфер бошиданоқ шубҳа остида бўлмаган.
Бироқ айни вақтда «Барселона» ва Саудия Арабистонининг «Ал-Ҳилол» клуби ўртасида трансфер нархи бўйича музокаралар ҳали якунланганича йўқ.
Манбаларга кўра, Канселу ўз позициясини аниқ билдирган — у фақат «Барселона»га ўтишни истамоқда. Ушбу хоҳиш футболчи томонидан январь ойида ҳам билдирилган ва ҳозир ҳам ўзгармаган.
Шу боис, клублар трансфер суммаси бўйича келишувга эришиши билан Жоау Канселунинг каталонияликлар сафига қайтиши расман тасдиқланиши кутилмоқда.
