Камолиддин Тожиев: «Ўйинимиз ёқди дея олмайман, аммо охиригача курашганимиз маъқул келди»
Суперлиганинг 22-тури доирасида бўлиб ўтган "Машъал" - "Пахтакор" ўйинидан кейин тошкентликлар бош мураббийи Камолиддин Тожиев матбуот анжуманида қатнашди.
— Ўйин осон бўлмаслигини билардик. Биринчи бўлимда сустроқ ҳаракат қилдик, қизил карточка ҳам режаларимизни бузиб юборди. Иккинчи бўлимда йигитлар характер ва даражаларини кўрсатишди. Ўйинимиз ёқди дея олмайман, аммо охиригача курашганимиз маъқул келди. Ҳозир ҳар бир ўйин муҳим. Баҳс бошидан 10 футболчи билан қолиб, зафар қучиш осон эмас. Қолаверса, биз жуда тиғиз тақвимда ўйнаяпмиз. Сафардан қайтиб келиб, яна бу ерга етиб келдик. Бундай ҳолатда ўйнаш қийинлашади. "Ал Аҳли" билан беллашувдан кейиноқ шу ўйинга ҳозирликка киришдик. Бозоров жароҳатдан эндигина тикланди. У кейинги ўйинларда майдонга тушади.
