Камолиддин Тожиев: \"Четлатишдан сўнг биз ташаббусга эга чиқиб, баҳс тақдирини ҳал қилдик\"
Ўзбекистон кубоги 3-туридан ўрин олган «Пахтакор» - «Насаф» (6:3) учрашувидан кейинги матбуот анжуманида мезбонлар мураббийи Камолиддин Тожиев ОАВ ходимларининг саволларига жавоб берди.
“Бугун ўйиннинг бориши ўзгариб туришига гувоҳ бўлдик. Биз яхши бошладик, иккита тез гол урдик. Лекин кейин рақиб устунликка эришдик ва ҳисобни тенглаштирди. Яна биз олдинга чиқдик ва қизил карточкага қадар беллашув жуда кескин бўлди. Четлатишдан сўнг биз ташаббусга эга чиқиб, баҳс тақдирини ҳал қилдик. Бугун биз ҳимояда яхши ўйнай олмадик. Айнан кўп гол ўтказганимиз хавотирга солади. Бунинг устида меҳнат қилишимиз керак. Йигитлар кўп нарсага қодир. Улар руҳий тушкунликдан чиқиб кетишлари лозим. Бу борада яна улар билан суҳбатлашамиз. Тез орада Холматов, Фламарион, Ҳамдамов сафга қайтишади. Бугун Абдуллаев ҳамда Бўриев ўйинга қайтишди”, - дея Тожиев сўзларидан келтиради клуб матбуот хизмати.
