Исломбек Исмоилов: \"Нефтчи\"даги ишим Ўзбекистон U-17 терма жамоасидаги фаолиятимга халал бермайди\"
Бугун Фарғонанинг "Нефтчи" клуби Исломбек Исмоиловнинг U-21 жамоаси бош мураббийи этиб тайинлангани ҳақида хабар берди. Sports24.uz сайти Исмоилов кичик интервью ташкил қилди.
- "Нефтчи"дан таклиф қачон бўлди. Сир бўлмаса айнан ким томонидан таклиф тушди?
- Бундан 3 кун аввал "Нефтчи" U-21 жамоасига Фарғона вилояти ҳокими Хайрулла Бозоров томонидан таклиф бўлди. Бу инсоннинг охирги йилларда Фарғона футболига бераётган эътиборлари ва футболга бўлган қарашлари ҳамда "Нефтчи" бу мамлакатимизнинг нуфузли жамоаларидан бири бўлганалиги туфайли таклифга рози бўлдим.
- "Нефтчи" U-21 жамоаси айни пайтда мусобақа жадвалида 12-поғонада бормоқда. Жамоани юқори ўринларга олиб чиқишга қанчлик ишонасиз?
- Албатта, ҳозирги ҳолатда жамоа ёшлари кўрсатаётган натижалар қониқарсиз. Жамоада расман 2-даврадан иш бошлайман, 1-давра якунигача жамоани ҳозирги мураббийлари бошқариб туришади. Танаффус пайтида имкон қадар таркибни иқтидорли ёшлар билан тўлдиришга ҳаракат қиламиз. Ёшлар жамоаси ҳозирги ҳолатидан юқорига кўтарилиши учун қаттиқ меҳнат ва тартибли ҳамда тизмили ишни йўлга қўйиш талаб қилинади. Бунинг учун бор кучим билан ҳаракат қиламан.
- Бугунги тайинловдан сўнг, кўплаб мухлислар Ўзбекистон U-17 терма жамоасидаги фаолиятингиздан ҳавотирда…
- Бу тўғрисида клуб раҳбарияти билан келишганмиз ва ҳозирги ҳолатда мен кўпроқ Ўзбекистон U-17 терма жамоасига эътибор қаратаман. Яъни иккала ишим бир-бирига халаб қилмайди. Мухлислар хотиржам бўлаверсин. "Нефтчи" раҳбарияти ҳам буни қўллаб-қувватлаганлиги учун шартномага имзо қўйдим.
