«Интер» спорт директори Думфрисни «Реал»га ўтганини тасдиқлади
«Интер» спорт директори Пьеро Аузилио ўнг қанот ҳимоячиси Дензел Думфрис Мадриднинг «Реал» клубига ўтгани ҳақида хабар берди.
«Думфрис «Реал»га ўтди. Унга энг яхши тилакларимни тилайман. Шу йиллар давомида у «Интер» учун қанчалик кўп иш қилганини биламан. «Нерадзуррилар» унинг қалбида, балки бир кун келиб йўлларимиз яна туташар», — дея Аузилионинг сўзларини келтиради журналист Николо Скира ўзининг X ижтимоий тармоғидаги саҳифасида.
Аввалроқ «Қироллик клуби» президенти Флорентино Перес нидерландиялик ҳимоячининг трансфери бўйича келишув расмийлаштирилганини маълум қилган эди.
Думфрис «Интер»га 2021 йилнинг ёзида ўтган. Ушбу давр мобайнида футболчи барча мусобақаларда 207 та ўйинда иштирок этиб, 27 та гол ва 28 та голли узатмани ўз ҳисобига ёздириб қўйди.
