«Inter» sport direktori Dumfrisning «Real»ga o‘tganini tasdiqladi
“Inter” sport direktori Piero Auzilio o‘ng qanot himoyachisi Denzel Dumfris Madridning “Real” klubiga o‘tganini ma’lum qildi.
“Dumfris ‘Real’ga o‘tdi. Unga eng yaxshi tilaklarimni bildiraman. Bu yillar davomida u ‘Inter’ uchun qancha mehnat qilganini yaxshi bilaman. ‘Neradzurrilar’ uning qalbida, balki bir kun kelib yo‘llarimiz yana tutashar”, — deya Auzilioning so‘zlarini keltiradi jurnalist Nikolo Skira o‘zining X ijtimoiy tarmog‘idagi sahifasida.
Avvalroq “Qirolicha klubi” prezidenti Florentino Peres niderlandiyalik himoyachining transferi bo‘yicha kelishuv rasmiylashtirilganini bildirgan edi.
Dumfris “Inter”ga 2021 yilning yozida o‘tgan. Shu davr mobaynida futbolchi barcha musobaqalarda 207 ta o‘yinda maydonga tushib, 27 ta gol va 28 ta golli uzatmani o‘z hisobiga yozdirgan.
