“Интер” Мхитарян ўрнига “Барселона” футболчисини олиб келмоқчи
ФОТО: Getty Images
Миланнинг “Интер” клуби Генрих Мхитарянга ўринбосар қидирмоқда. Асосий номзод сифатида “Барселона” футболчиси Фермин Лопес кўрилмоқда. Бу ҳақда Calciomercato нашрига таянадиган Mundo Deportivo хабар бермоқда.
Манбага кўра, “нерадзуррилар” футболчи учун 60 миллион евро таклиф қилишга тайёр. Италия клуби испаниялик ярим ҳимоячи билан узоқ муддатли ҳамкорликка умид қилмоқда.
Эслатиб ўтамиз, Мхитарян 2022-йилдан буён “Интер” сафида ўйнаб келмоқда. У жорий мавсум барча турнирларда 48 та ўйин ўтказиб, битта гол урди ва 5 та голли узатмани амалга оширди.
Фермин Лопес эса 2016-йилдан буён “Барселона” тизимида тўп сурмоқда. У жорий мавсум 45 та ўйинда майдонга тушиб, 8 та гол урди ва 9 та голли узатмани амалга оширди.
Насрулло Каримов
Журналист
