Иммобиле “Бештиктош” билан шартномани бекор қилди
Фото: Getty Images
Ҳужумчи Чиро Иммобиле "Бешиктош"дан кетди.
"Клуб ва Чиро Иммобиле ўртасидаги шартнома бекор қилинди.
Клубимиз либоси остида қилган меҳнатлари учун футболчига раҳмат айтамиз ва унинг келажагига омадлар тилаб қоламиз", - дейилади клуб баёнотида.
Қайд этилишича, томонлар келишувни ўзаро келишув асосида бекор қилган. Бунинг учун клуб футболчига 2 625 000 евро компенсация пули тўлайди.
Италиялик футболчи ўтган ёзда 3 млн евро эвазига "Лацио"дан "Бешиктош"га ўтганди. Ўтган мавсумда у 41 ўйинда қатнашиб, 19 гол урди.
Баҳром Бобонов
Редактор
