Холанд: «Навбатдаги ажойиб кеча ва мен бундан жуда фахрланаман»
Эрлинг Сенегалга қарши баҳсда дублга эришди.
ФОТО: Getty images
Норвегия терма жамоаси ҳужумчиси Эрлинг Холанд 2026 йилги жаҳон чемпионатидаги кетма-кет иккинчи дубли ҳақида фикр билдирди. Форвард гуруҳ босқичининг 2-турида Сенегал миллий жамоасига қарши учрашувда (3:2) иккита гол урди. Биринчи турда эса Эрлинг Ироқ дарвозасига ҳам икки бор йўл топганди (4:1).
«Яна бир бор ўзига хос ҳислар! Навбатдаги ажойиб кеча ва мен бундан жуда фахрланаман. Баҳра оляпман. Дебютимдан бери Норвегия учун ўйнаш менга ёқади — буни кўриш мумкин. Жаҳон чемпионати — бу ажойиб!» — деди Холанд FIFA расмий сайтига берган интервьюсида.
2026 йилги жаҳон чемпионати АҚШ, Мексика ва Канадада бўлиб ўтмоқда. Турнир 11 июнь куни бошланиб, 19 июльга қадар давом этади. Амалдаги жаҳон чемпиони — Аргентина терма жамоаси ҳисобланади.
