Хави Саудиянинг топ клубини бошқариши мумкин
Клуб ва мураббий ўртасида музокаралар давом этмоқда.
ФОТО: Getty images
Испаниялик мураббий Хави Лоран Блан истефога чиқарилгач, “Ал-Иттиҳод” бош мураббийи лавозимини эгаллашга номзодлардан бири. Бу ҳақда журналист Маттео Моретто хабар берди.
Манбага кўра, ҳозирда томонлар ўртасида музокаралар давом этмоқда. Бироқ Хави Саудия клуби бош мураббийлиги учун ягона номзод эмас.
Хавининг энг охирги иш жойи "Барселона" эди. Испаниялик собиқ футболчи 2021 йилнинг ноябридан 2024 йилнинг июнигача “блауграна”ни бошқарган.
Унинг қўл остида Каталония клуби 2022/2023 йилги мавсумда Испания чемпиони бўлди ва Испания Суперкубогини қўлга киритган.
Розикжон Султонмуродов
Журналист