Хаби Алонсо «Реал»ни клублар ўртасидаги жаҳон чемпионатига олиб боради
Алонсо 1 июн куни «Реал» билан шартнома имзолайди. Анчелотти ҳали расман лавозимдан кетмаган бўлса-да, унинг ўрнини «Байер»нинг собиқ мураббийи эгаллашига деярли шубҳа қолмаган. Маълумотларга кўра, испаниялик мутахассис билан шартнома 2028 йилгача тузилган. Алонсо ишга АҚШда июн ўрталарида бошланадиган клублар ўртасидаги жаҳон чемпионатигача киришади.
Алонсонинг Мадрид клубига бош мураббий бўлиши ҳақида гап-сўзлар бутун мавсум давомида давом этди. 11 май куни у «Байер» устози сифатида Леверкузендаги охирги уй ўйинида жамоасини бошқарди. 2,5 йил ичида Алонсо:
«Байер»ни клуб тарихида илк бор Германия чемпиони қилди
Германия Кубоги ва Суперкубогига эга чиқди
Футболчи сифатида Хаби Алонсо 2009–2014 йилларда «Реал Мадрид» сафида тўп сурган ва ушбу даврда клуб билан Лига чемпионлари ҳамда бошқа кўплаб совринларни қўлга киритган.
