Гвардиола мағлубиятдан кейин: жамоа яхши ҳолатда
«Манчестер Сити» клублар ўртасидаги жаҳон чемпионатининг 1/8 финалида «Ал-Ҳилол» жамоасига қўшимча вақтда 3:4 ҳисобида ютқазди ва мусобақа билан хайрлашди.
Учрашув якунларини шарҳлаган «шаҳарликлар» бош мураббийи Хосеп Гвардиола шундай деди:
«Плей-офф босқичидаги ўйинлар доим оғир кечади. Рақибга қарши ҳужумларда яхши ҳаракат қилиш имконини бердик, лекин ўзимиз ҳам кўплаб вазиятлар яратдик.
Йахши ўйин кўрсатдик, ҳужумларда фаол бўлдик, аммо Буну ажойиб сэйвлари билан жамоасини қутқарди. Аслида айтадиган гап кам — биз бор кучимиз билан ҳаракат қилдик. Менимча, жамоа яхши ҳолатда, ғалаба бўлмаса-да, уйга юзи ёруқ қайтаяпмиз».
Бу мағлубият Гвардиоланинг Клублар ўртасидаги жаҳон чемпионатидаги илк ютқизиши бўлди — у бугунгача мусобақада 11 ўйинни кетма-кет ютиб келаётган эди.
Энди «Ал-Ҳилол» чорак финалда Бразилиянинг «Флуминенсе» клубига қарши майдонга тушади.
