Гвардиола: «Биз бор кучимизни ишга солдик, бироқ натижа чиқара олмадик»
«Манчестер Сити» бош мураббийи Пеп Гвардиола Англия Премьер-лигасининг 12-туридан ўрин олган «Ньюкасл Юнайтед»га қарши учрашувдан (1:2) сўнг ўз фикрларини билдирди.
«Биз бор кучимизни бердик. Охирги икки ой ичида кўрсатаётган ўсишимизни давом эттирмоқчи эдик, аммо терма жамоалар ўйинларидан кейин бундай натижага эришиш осон эмас. Олдимизда ҳали узун йўл бор.
Ўйин жуда кескин кечди, ҳар икки жамоада ҳам имкониятлар бўлди. Жиджо [Доннарумма] ажойиб ўйнади. Биз ўз имкониятларимиздан фойдалана олмадик ва иккинчи бўлимда гол ўтказиб юбордик. Ҳар икки жамоада кўп вазиятлар бўлди, лекин биз натижа чиқара олмадик», — дея Гвардиоланинг сўзларини келтиради клубнинг расмий сайти.
Маълумот учун, АПЛнинг 12-туридан сўнг «Манчестер Сити» 22 очко жамғариб, турнир жадвалида учинчи ўринда бормоқда. «Ньюкасл Юнайтед» эса 15 очко билан 14-поғонани эгаллаб турибди.
