Гвардиола Бернарду Силванинг «Барселона»га ўтиши мумкинлиги ҳақида гапирди

«Манчестер Сити»нинг собиқ бош мураббийи Хосеп Гвардиола ярим ҳимоячи Бернарду Силванинг «Барселона»га ўтиши мумкинлиги ҳақидаги фикрлари билан ўртоқлашди.

Аввалроқ ОАВда 31 ёшли футболчига кўк-анорранглилар ва Мадриднинг «Атлетико» клуби даъвогарлик қилаётгани ҳақида хабарлар тарқалган эди.

«Бернарду ҳар қандай жамоага мослаша олади. У шунчаки ўта яхши», — дея Гвардиоланинг сўзларини келтиради Mundo Deportivo.

Португалиялик ярим ҳимоячи тўққиз йил давомида «Манчестер Сити»да Гвардиола қўл остида ўйнади. Уларнинг иккаласи ҳам мавсум якунида инглиз клубини тарк этишди. Силва «шаҳарликлар» сафида 460 та ўйинда майдонга тушиб, 76 та гол ва 77 та голли узатмага муаллифлик қилган.

Розикжон Султонмуродов

Журналист

0 0 0 0 0 0