Гринвуд: «Умид қиламанки, биринчи ўрин учун курашни давом эттира оламиз»
«Марсел» яримҳимоячиси Мейсон Гринвуд жамоанинг жорий мавсумдаги имкониятлари ҳақида фикр билдирди.
«Мураббий ва жамоадошларим туфайли ажойиб формадаман. Ўзимни яхши ҳис қиляпман ва ўйинимни яхшилаш, мавсум давомида кўпроқ совринлар ютишга умид қиламан. Роберто Де Дзерби? У жамоанинг мияси, ўйинни қуришдаги архитектор. У менга футболни яхшироқ тушунишга ёрдам беради ва ҳар куни ўзимни ривожлантиришга кўмаклашади.
Биз жуда кўп кучли футболчиларни қўлга киритдик. Жамоа айрим йўналишларда кучайди. Бу мавсумда «Марсел» янада бирлашган жамоага айланди; ҳаммамиз бир хил руҳда ишлаяпмиз, бу кўзга ташланади. Биз иккинчи ўриндамиз ва умид қиламанки, биринчи ўрин учун ҳам курашни давом эттира оламиз», — дейди Гринвуд.
14 ўйин натижасида «Марсел» Франция чемпионатида 29 очко билан иккинчи ўринда бормоқда. Жадвал етакчиси — 30 очко билан «ПСЖ».
