Гонсало Гарсия фаолиятини АПЛда давом эттириши мумкин
Испаниялик ҳужумчи кўпроқ ўйин амалиётига эга бўлишни истамоқда.
ФОТО: Getty Images
«Брайтон» ва яна бир неча АПЛ клублари қишда «Реал Мадрид» ҳужумчиси Гонсало Гарсияни ижарага олиш бўйича курашга қўшилиши мумкин. Бу ҳақда Daily Mail хабар бермоқда.
Манбанинг ёзишича, ёзги трансфер ойнасида 21 ёшли форвардга «Лидс» ва «Сандерленд» жиддий қизиқиш билдирган. Гарсия эса мунтазам ўйин амалиётига эга бўлиш учун ижарага ўтиш вариантини кўриб чиқишга тайёр.
Жорий мавсумда испаниялик ҳужумчи «Реал» таркибида барча турнирлар доирасида 9 та ўйин ўтказиб, 1 та голли узатма амалга оширган. Унинг клуб билан амалдаги шартномаси 2030 йилгача мўлжалланган.
Transfermarkt портали маълумотига кўра, футболчининг бозор баҳоси 15 миллион еврони ташкил этади.
Насрулло Каримов
Журналист
