Гасперини ёзида “Рома”ни тарк этадиган ҳужумчини эълон қилди
Футбол
Насрулло Каримов
Журналист
ФОТО: Getty Images
“Рома” клуби ҳужумчиси Артём Довбик ёзги трансферлар пайтида жамоасини ўзгартириши мумкин. Бу ҳақда Calcio in Pillole хабар бермоқда.
Манбага кўра, украиналик футболчи римликларнинг янги бош мураббийи Жан Пьеро Гасперинининг режаларига киритилмаган. Довбик аллақачон трансферга қўйилгани хабар қилинмоқда.
Қайд этилишича, Гасперини ўз ҳужумчиларидан юқори босим яратишни, ҳаракатчан бўлишни ва ўйин давомида бир жойда турмаслигини истайди. Жамоадаги ўрнини сақлаб қолиш учун Довбикда айнан шу фазилатлар етишмайди.
Маълумот учун, Довбик жорий мавсум А Серияда 32 та ўйинда майдонга тушиб, 12 та гол урди ва 2 та голли узатмани амалга оширди. Унинг Transfermarkt'даги нархи 30 миллион евро деб баҳоланмоқда.
