Франция — Ироқ: ўйин номаълум муддатга қолдирилгани стадионда эълон қилинди
Об-ҳаво сабаб ўйин давом эттирилмаяпти.
ФОТО: Getty images
Франция ва Ироқ терма жамоалари ўртасида жаҳон чемпионатининг I гуруҳи 2-тури доирасидаги учрашув бўлиб ўтмоқда.
Учрашув Филаделфиядаги (АҚШ) «Линкольн Файненшел Филд» стадионида бўлиб ўтмоқда. Айни пайтда ҳисоб – 1:0, французлар фойдасига.
Аввалроқ иккинчи бўлимнинг бошланиши аввалига 15 дақиқага, кейин эса бир соатга қолдирилгани ҳақида хабар берилганди.
Эслатиб ўтамиз, биринчи бўлим охирига келиб кучли ёмғир ёға бошлаганди. Учрашув танаффусида момақалдироқ хавфи эълон қилинди, шу сабабли штат қоидаларига мувофиқ ўйинчиларнинг майдонга қайтиши қолдирилади.
Биринчи бўлимда ягона голни франциялик ҳужумчи Килиан Мбаппе киритди.
